my blog about Radha Krishna.amp

Dusri baar fir Gopi unchaai par rakhe hua chhike me makhan ka bartan rakh deti he, usike paas ak Ghanti baandh deti he, taaki aavaaj hone par Shri Krishna ko pakaraa jaa sake, sath hi sath Narayan se praathana karti he ki Kanhaiya ko pakarne me mujhe safaltaa mile. Prabhu pahale ki bhanti karam se tin pidhaa rakh kar, uske upper apne mitra ko chadhaa dete hein, khud uske kandhe par chadh kar makhan churaana suru karte hein, lekin is baar Ghanti nahi pakarte hein, chunki Shri Krishna Narayan bhagavan ke avatar hein, jinhone Gopi ki praathana ko suvikaar kiye hein. jab Prabhu apne doston ko makhan khilaate hein tab nahi bajati, jese hi Shri Krishna makhan khaate hein vese hi ghanti baj jaati he. Prabhu puchhate hein ki kyu ri ghanti mere khaane ke samay hi kyun baji? javaab deti he ki Prabhu aapki hi aagya ka palan kar rahi hun. aapine to yah niyam banaaye he ki Narayan ko bhog lagane ke samay ghanti jarur bajani chaahiye, tabhi gopi aa jaati he Kanhaiya ka haat pakar kar bandhane ki kos

Shri Krishna ko Makhan churaate samay gopi dur se hi dekh leti he, dorkar aakar puchhati he ki Kanhaiya tune makhan ki Matki me haat kyun daala? Prabhu bolte he ki meri Gend tere ghar me aa gayi thi, me jaa hi raha tha, itne me mene dekha ki makhan ki Matki ke upper bahut saari chiti chadhi hui he. me chiti ko hataane lagaa tab hi makhan ki matki jis bartan se dhaki hui thi vo bartan dharti par gir gayaa tha. tab mene dekha ki makhan me bahut saari chitiyaan khel rahi thi, inhe hataane ke liye hi mene isme haat daala tha. fir Gopi savaal karti he ki tere mukh me makhan kese lag gya? Prabhu bolte he ki jis samay me makhan me se chitiyaan nikaal raha tha, usi samay chitiyaan mere mukh par chadh gayi thi. makhan lege hua haat se hataane par makhan mere mukh me lag gya tha, itnaa bolkar Prabhu chale jaate hein.

Ak baar Shri Krishna ko Makhan churaate samay, Gopi dur se hi dekh leti he, bhaag kar aakar Prabhu ka haat pakar kar puchhati he ki, ri tu Makhan ki Matki me haat kyun daalaa huaa tha? Shri Krishna bole ki mera Baba ne mujhe Madhuvan se laakar ak govats rupi khilonaa diye the, use hi me dhundh raha tha, mujhe laga ki yah tere ghar Makhan khaane ke liye Matki ke under ghus gya hoga, isiliye mene Makhan ki Matki me haat daala tha. nikat rakhe hua makhan laga hua Govats rupi khilonaa uthaakar bole ki me ise hi dhund raha tha. ab jaakar milaa he. Prabhu ke Baal pan par Gopi hans-hans kar lot pot ho jaati he ki Shri Krishna khilone me_ man or budhi ki kalpanaa kar rahe hein.

Ak din Shri Krishna Makhan chori karte samay range haat pakare jaane par, Gopi se bolte hein ki ri tu maiya ke saamne mujhe apni god me lekar pyar karti thi, mene sochaa tere ghar jaaungaa,tera Makhan khaaungaa, tab tu mujhe or bhi adhik pyar karegi isiliye tere ghar makhan lene aayaa hun. Shri Krishna ka ispars,rup maadhurya or sangit se bhi jyada kaano ko khusi dene vaali vaani sunkar Mohit ho gayi, jiski vagah se Gopi ka man or budhi apne niyantaran me nahi the.

Ak din Makhan chori karte samay, keval Prabhu pakare jaate hein. Gopi haat pakar kar Krishna ki maiya ke paas unko le jaane ki kosis karti he, bich raste me Prabhu uska haat_ uske pati ke haat me pakaraa dete hein, khud aakar jaldi se chaadar odhakar sone ka dikhaavaa karte hein. Gopi yasoda ji se bolti hein ki aaj me tere laal ko makhan churaate samay pakar kar laai hun , dekh lo. Prabhu ki maiya haskar bolti he, jiska haat pakar kar laai he uska ak baar mukh to dekh le. jese hi Gopi cheharaa dekhati he vese hi sharmaa kar apne Ghar tej gati se chali jaati he. Shri Krishna Chintan me vah itni dub gayi thi ki kab Prabhu haat chhuraakar bhaage use pataa bhi nahi chalaa tha.

Makhan churaate samay Prabhu ko mani se bane hua khambhe me apna pratibimb dikhaai detaa he. Shri Krishna usse bolte hein ki kisi ko mat bataana me makhan chura raha tha. aaj se hm dono sathi hua. me makhan kha raha hun tuh bhi kha, bolkar mukh rupi pratibimb me makhan daalte hein, lekin vah niche gir jata he. Prabhu usse bole" are bhai fek kyu raha he,bavlaa ho gya he? nahi bhai yah thik nahi he, aadhaa bhaag tera aadhaa  bhaag mera. dusri baar thora se adhik makhan apne pratibimb ke mukhh me dalte hein, fir gir jata he. shri Krishna usse bolte hein tune fir giraa diya. kya sab lena chaahataa he, nahi bhai yah uchit nahi he. achhaa ab tu maan jaa, khaa le,dekh kitnaa suvaadist he. acchaa lagegaa to isse bhi jyada dunga . Gopi Krishna rup maadhurya ras pine me itni kho jati he ki Prabhu ko pakarna bhul jati he.