my blog about Radha Krishna.amp

Shri Krishna, Balram or Gvaal-baal naye- naye palavon, Mor- pankh ke guchho , Fulon ki Malaon,or geru aadi rangin dhaatuon se apne aapko sajaa liye the. Shri Krishna jab nachana suru kiye the, tab gvaal baal apne apne baaje ko bajaate the, kuchh hateli se hi taal dete the,kuchh vaah-vaah karne lagte the, kabhi ak-dusre se adhik faand jaane ki kaamna se kudate the, kabhi-kabhi ak dusre ka baaye haat se daaye haat ko or daaye haat se baaya haat ko pakar kar gol-gol ghumkar khelte the. Kabhi kusti larte the, lukachhupi ka khel khelte the, Pasu -pakshiyon ki nakal karte the, ak dusre ke upper fal,ful fekte the,ak dusre ki bhi nakal karte the. Kabhi do baalkon ko khara karaake, unki baahon ke bal par latak jaate the. kabhi jhula jhulte the, Kabhi dor pratiyogita karte the . Kabhi rasi khichane vaala khel khelte the,jisme ak dal dusre dal ke viprit rasi khichata he.  

Shri Krishna or unki Mitra- Mandali Subha ka Bhogan grahankar, khelne ke liye chige lekar, Gosth ke paas hi Bachharon ko charaate the. Gulel se Goliyaan or Dhelvaans se dhele fek rahe the. Gay or Bel bankar khel rahe the. saand bankar nakli sing se ak dusre par hamla kar rahe the. pasu-pakshiyon ki nakal kar rahe the. Kabhi Kabhi naach bhi rahe the.

Shri Krishna par baar-baar Rakshso duvara aakaraman hote dekhakar,  sabhi baro ne Gokul chhorkar kahin or, nivaas isthaan banaana chaahate the. Upnandan ji vrindavan ki jaach partaal kar rahe the. is isthaan ko parakhne ke baad Sabha Bhavan me nirnya liya gya ki sabhi log Gokul chhorkar vrindavan nivaas karenge. chalne se pahale vrajraaj ke kul purohit maharshi shaandilya sankh bajaakar, Mangal paath or istuti paath karke yaatra karne ki suruvaat ki gayi thi. raaste me shri Krishna puchhate hein ki maiya ham log kahaan jaa rahe hein? shri yasoda bolti hein vrindavan me jaa rahe hein. Kanhaiya phir prasn karte hein ki ghar kab vaapas jaayenge? maiya bolti hein ki ghar to hamlogo ke sath hi vrindavan ja raha he. gopiyaan shri Krishna ki pahale ki lilaon kogaa rahi hein. yasoda ji gopiyon ke gane me itni kho jaati hein ki, Prabhu ki ganam se lekar ab tak ki gayi Lila ko hote hua anubhav karti hein. shri Krishna Balgaari par se kudne ki kosis karte hein, lakin safal nahi ho paate hein, chu

Krishna ji apne mitron ke sath tarah-tarah ke khel khel rahe the. sabse pahale Rohini ji aati hein dono bhaiyon ko ghar bulaane, pukaarte pukaarte thak jaati hein, ghar lot jaati hein, iske baad yasoda ji aati hein. ve bhi babut samay tak pukaarti hein, jab pukaar nahi suni jaati he, tab apne laal ko pakarne ki kosis karti hein, Prabhu ka ak dost maiya ke paas hi aa raha tha, yasoda ji dorkar Shri Krishna ke sakha ko pakar leti hein. shri Krishna, shri yasoda duvaara pakare gye mitra ke pith par, dhire se mukkaa marte hein. Prabhu ki ganani apne laal ke dost ka haat chhorkar, apne lallaa ka haat pakar leti hein . Ghar laakar dono bhaiyon ko ubtan lagaakar,maalish karke,nahalaakar, Nand ji ke paas bhogan karne ke liye bethaa deti hein. aadha khaate hein aadha dharti par giraate hein. khaane ko pure mukh me lagaa liye hein. iske baad yasoda ji shri Krishna ko ghar par hi khelne ke liye bolti hein. sabse pahale Luka chhupi ka khel khelaa jaata he. Prabhu ki maiya

Ak din Brajpur me Bahu-mulya,durlabh bahut-bahut sunder motiyon ka vyaapaari aaya tha, jab vah braj-raaj ke ghar motiyon ke bane aabhusan dikhaa raha tha, tab hi Prabhu ak motiyon ki maala jabardasti lekar,ak-ak moti ko maala se nikaalkar bij ke jese miti ke under bo diye the . kuchh din baad Vishal motiyon ka vriksh ug aaya tha . gopiyan moti purokar mala pahana suru kar deti he. kisi ko bhi samajh nahi aaya ki motiyon ka vriksh kese panap gya he.

Ak din makhan chori karne ke vakt Prabhu pakre jaate hein. Gopi puchhati he ki tune makhan kyun churaaya? shri Krishna Bolte hein ki meri maiya mere haat me Mani-ratno se nirmit aabhusan pahanaati hein, jinke parkash se mera haat jal raha tha, isiliye mene thandak paane ke liye makhan haat me liyaa tha. Gopi Prabhu ki Baal pan vaali baat sunkar, hans -hans kar lot-pot ho jaati he. Kanhaiya ko pakarna ka vichaar bhi mastik me nahi aa paata tha, chunki shri Krishna pram-aanand ke maha-bhandaar hein. Prabhu ka rup hi asaa he ki maanav apni saara dukh,krodh bhul jaata he, yahaan to gopi ko Prabhu ka ispars ke sath sath unki Man-mohak vaani bhi sunane ko mili thi, fir Gopi kyun or kese n ho Shri Krishna ke prem me sab kuchh tayaagne vaali.

Ak din Gopi khaat par sone ka naatak kar rahi thi. Sochi thi ki shri Krishna ko bharam me daalkar, use aasaani se pakar lungi. chupke chupke Prabhu sakhaaon ke sang aate hein, lekin Gopi ko Krishna Makhan mandali ke aane ka pataa nahi chal paata he, chunki vah shri Krishna Chintan me sab kuchh bhul gayi thi, yahaan tak ki khud ko bhi, isi ka laabh uthaakar kanha Gopi ki choti khaat ki kinaari se baandh dete hein. iske baad hi Gopi Chintan chhetra se baahar nikalti he bolti he. Kanhaiya meri choti khol de. kholnaa to bahut dur ki baat he, Prabhu apne mitro ke sath use chidhaa chidhaa kar makhan khaa rahe the. khaakar sabke sab Gopi ke sote hua bachon ko chikoti kaatkar bhaag gye the.