Kaliya naag Daman Lila little Krishna story

-
Kaliya naag, Shri Krishna ke sabhi ango par dasne ki kosis anek baar kiya tha. jab usne dekha ki is baalak par vish ka parbhaav nahi ho raha he, tab usne Prabhu ko apne vishal sarir me lapet liya tha. yah dekhakar Gop baalak behos ho gye the . bhayankar apsagun ho raha tha, jise dekhakar sab sochane lage ki, ham sabke jivan dhan kanha kushal mangal se he n, kahin asaa to nahi he ki fir se kisi rakshs ne aakraman kar diye ho? sabke sab ghar chhorkar Shri Krishna ko dhundhate- dhundhate, Prabhu ke Charan chinho ki sahaayta se, kaliya naag ke nivaas isthaan ke paas aa gye the. sabse pahale Nand ji yah kahakar murchhit hua the ki haay mere laal, tu to mughe atisay pyaar karta tha re ,tu sahasaa asaa dusshaas kese kar gya? mughase pahale tu chala gya. iske baad sabhi Gop chetna hin ho jaate hein. Yasoda ji, Rohini ji, Gopiyon ko Prabhu ke bina tino lok sunaa- sunaa lag raha tha. ve sabhi kaliya naag ke nivaas isthaan kund me kudna suru karti hein, Balram ji Balpurvak un sabko rok lete hein. Yasoda ji bolti hein ki mera laal ham sabko akele chhor kar nahi ja sakta he vo to hamlogo se bahut pyaar karta tha. koi Gopi bol pari tabhi iske mukh par mand
muskaan he. nand ji or gop log bhi hos me aakar, kaliya naag se, Krishna ko bachaane ke liye, vishele kund me kudne ki kosis karte hi, Balram ji un sabko samghaa-bhughaakar rok lete hein. jab Shri Krishna dekhate hein ki mere liye ye sabhi bahut dukhi hein tab ve apne sarir ko, kaliya naag ke sarir se, hajaar gunaa adhik vridhi karke, us dust ke bandhan se suyam ko chhuraa lete hein. Prabhu duvara apni deh ko ati vishal karne ke bare me kisi ko pata bhi nahi chal paya tha . krodh se aag babulaa hokar, apna Fn unchaa karke, fufkaare maarne laga tha. avasar milte hi Shri Krishna par hamla karne ke liye, vo lagaataar dekh raha tha. apni jib laplapaakar apne hoth ke dono kinaaro ko chaat raha tha. Prabhu uske sath khelte hua, pentraa badalne lage the. vah bhi apne hisaab se pentraa badalne laga tha. asaa karte karte kaliya naag atyadhik thak jata he, tab Shri Krishna uske seer ko thora dabaakar, uchhalkar, uske seer par savaar hokar, nachana prarambh kar diye the.

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

Shri Krishna and Balram ji ki baal Lila

-
चित्र
Shri Krishna or Balram ji apne chhote chhote paav ko kichar me ghasitte hua chalte the. chalte samay kamar ke ghungharu madhur dhvani me aavaaj karne lagte the, jise sunker dono bhai bahut prasan ho jate the. kabhi kisi bachhare ki puchh pakar lete the, chhurane ki kosis karne par vah in dono bhaiyon ko bahut dur tak le jata tha, Kabhi kisi janvar ki sing to kabhi chhote janvar ke upper beth jate the. kabhi Talvaar uthaa lete to kabhi agni ko chhune ka paryatn karte the. kabhi kuaan ke paas chale jate the, rasi se bandhi kalsi se kuaan se pani nikalne ki kosis karne lagate the. bhari hone ke karan kalsi kuaan se bahar nahi aa pati thi. kabhi kisi janvar ki jib pakar kar khich lete the. kabhi mor ke dekha dekhi khud bhi nachane lagte the to kabhi uski bahut sunder pankh ko pakarne ko kosis karte the. kabhi kisi janvar ya pakshi ke aavaaj ki nakal karte the.
और पढ़ें

Krishna ki shikaayat yasoda jise

-
चित्र
Gopiyan bolti hein nandrani agar ise hamaare ghar me makhan,dudh,dahi khaane ko nahi milta to, yah krodhit hokar bolta he ki jis ghar me mere liye khuchh bhi nahi rahegaa, us ghar me kahin se angaar laakar rakh dungaa, grih hi bhasm ho jaayga. unke baalko ko asi maar maarungaa ki grih-suvaamini bhi ismaran rakhegi, parmaan ke rup me ham sabke sote hua bachon ko rulaakar bhaag jaata he. ise kisi ne ak din chor kah diya, tab bahut jyada krodhit hokar, kahane lagaa ki ri chor me nahi,tu he,yah ghar mera he isiliye is ghar ki samast vastuan meri he, vaastav me to tu chor he. jab iska haat unchaai par rakhe hui Matki par nahi pahuch paata he, tab yah kankar ya barchhi ki sahaayata se chhed kar deta he. sabke sab thik chhed ke niche mukh karke baari-baari se makhan,dudh,dahi khaate or pite he. hamaare ghar me bare-bare upaay karke chori karta he, yahaan to ase bhethaa hua he bhole -bhaale baalk ke jese, vah re mere shaadhu maharaj.
और पढ़ें

Gopi Ghar Makhan chori part 4

-
चित्र
Ak din Shri Krishna Makhan chori karte samay range haat pakare jaane par, Gopi se bolte hein ki ri tu maiya ke saamne mujhe apni god me lekar pyar karti thi, mene sochaa tere ghar jaaungaa,tera Makhan khaaungaa, tab tu mujhe or bhi adhik pyar karegi isiliye tere ghar makhan lene aayaa hun. Shri Krishna ka ispars,rup maadhurya or sangit se bhi jyada kaano ko khusi dene vaali vaani sunkar Mohit ho gayi, jiski vagah se Gopi ka man or budhi apne niyantaran me nahi the.
और पढ़ें