shri Krishna Ukhal Bandhan Lila part-3

 rokar apni maiya se bol

 rahe hein ki, maiya ab me asaa nahi karungaa. apne aapko chhuraane ki kosis karte hein. shri yasoda ji apni choti me bandhi resm ki dori kholkar, shri Krishna ko baandhane ka paryatn karti he. dusri,tisri resm ki dori, tino resm ki dor ko paraspar milaakar, apne Kanhaiya ko baandhne ki kosis karti hein,. fir bhi prabhu ko baandh nahi paati hein. Prabhu ki tej rone ki aavaaj sunkar, sabhi gopiyaan bhaagi bhaagi aati hein. yasoda ji gopiyon ko bolti hein ki mere mani se bane bag me bahut saari resam ki rasi he, usmese sabhi rasiyaan le aao. gopiyan yasoda ji se vinti karti hein ki kanha ko chhor do. Prabhu ki mata un sabse bolti hein ki mujhe tum sabki shikshaa ki jarurat nahi he. rasi laana he to laao nahi to mat laao, sahan nahi ho raha he to tum sab apne apne netro ko band kar lo. chaahe Subha se SAAM ho jaaye, me to ise baandh kar hi rahungi. Brajpur ke sabhi gharo ki rasiyon ko milaakar shri Krishna ko baandhane ka paryatn karti hein, fir bhi baandh nahi paati hein. ab tak hajaaron rasi se Prabhu ko baandhane me asafal ho gayi thi. jab Prabhu dekhe ki meri maiya bahut bahut jyaada thakkar pasine se latpath ho gayi hein, tab Bandhan suvikaar lete hein arthaart jab koi parmesvar ko baar-baar prem rupi rasi se baandhane ki kosis karta he, tab parmaatma prem rupi dori me bandhanaa suvikaar kar lete hein.