Ukhal Bandhan Lila little Krishna story

-
Shri Krishna ke bandh jane ke baad bhi, gopiyan premvash, shri yasoda ji se Prabhu ko chhorne ki vinti karti he. un sabki  praathana asuvikaar kar deti hain. .gopiyon ko maiya ke Bandhan se chhurane me asamarth jaankar, Prabhu Balram ji ko ro rokar pukaarte hein. rone ki dhvani sunkar, Nand Bhavan ki taraf chal parte hein, Upnandan ji ke ghar se, jahaan apni Rohini maiya ke sath gye the. raaste me mili gopi Kanhaiya ke rone ka karan vistaar se bataa deti he. Balram ji bhi vinti karte hein ki kanha ko chhor do, chhoti maiya, yasoda ji baat ko ansuni kar deti hein. Brajrani ke vyavahaar se Balraam ji krodh se kuchh bolkar, shri Krishna ke nikat chale gye the. Prabhu ke paas Balraam ji ke alaava sabhi mitra the. ve sabhi apne sakha ko Bandhan se mukt karaane ko chhatpataa rahe the. sabhi ne kosis ki thi rasi ko kholne ki, prantu fail ho gye the. shri Krishna apne doston ko bole ki mitro mere paas ak upaay he. tum sab milkar pichhe se is ukhal ko dhakaa dekar ludhkaao, me bhi dhakaa lagaata hun. yamlaarjun ki taraf chalaa jaaye, iske bich me se nikalne ke liye mere liye paryaapt isthaan he, isliye me to nikal jaaunga. yah ukhal un vriksho ke bich ja nahi payegaa, me ise tedhaa kar dungaa. is paar ke ukhal ki rasi ko, us paar se jhatkaa de dungaa, dor apne aap tut jaaegi. is yognaa ke anusaar kaam karnaa suru kar dete hein, bich bich me shri Krishna apne mitro ko isaare se bahut dhere bolne ke liye bolte hein, taaki tej aavaaj sunkar yasoda maiya n aa paaye. shri Krishna apne doston ki sahaayata se ukhal bandhan se mukt ho gye the. dono vrikshon ke tutne par, bahut tej aavaaj hui thi. Nalkubar or Manigriv name ke divya purush in vrikshon me se nikle the, jinhe vriksh yoni me jaane ka abhisaap mila tha.

टिप्पणियाँ

एक टिप्पणी भेजें

इस ब्लॉग से लोकप्रिय पोस्ट

Shri Krishna and Balram ji ki baal Lila

-
चित्र
Shri Krishna or Balram ji apne chhote chhote paav ko kichar me ghasitte hua chalte the. chalte samay kamar ke ghungharu madhur dhvani me aavaaj karne lagte the, jise sunker dono bhai bahut prasan ho jate the. kabhi kisi bachhare ki puchh pakar lete the, chhurane ki kosis karne par vah in dono bhaiyon ko bahut dur tak le jata tha, Kabhi kisi janvar ki sing to kabhi chhote janvar ke upper beth jate the. kabhi Talvaar uthaa lete to kabhi agni ko chhune ka paryatn karte the. kabhi kuaan ke paas chale jate the, rasi se bandhi kalsi se kuaan se pani nikalne ki kosis karne lagate the. bhari hone ke karan kalsi kuaan se bahar nahi aa pati thi. kabhi kisi janvar ki jib pakar kar khich lete the. kabhi mor ke dekha dekhi khud bhi nachane lagte the to kabhi uski bahut sunder pankh ko pakarne ko kosis karte the. kabhi kisi janvar ya pakshi ke aavaaj ki nakal karte the.
और पढ़ें

Krishna ki shikaayat yasoda jise

-
चित्र
Gopiyan bolti hein nandrani agar ise hamaare ghar me makhan,dudh,dahi khaane ko nahi milta to, yah krodhit hokar bolta he ki jis ghar me mere liye khuchh bhi nahi rahegaa, us ghar me kahin se angaar laakar rakh dungaa, grih hi bhasm ho jaayga. unke baalko ko asi maar maarungaa ki grih-suvaamini bhi ismaran rakhegi, parmaan ke rup me ham sabke sote hua bachon ko rulaakar bhaag jaata he. ise kisi ne ak din chor kah diya, tab bahut jyada krodhit hokar, kahane lagaa ki ri chor me nahi,tu he,yah ghar mera he isiliye is ghar ki samast vastuan meri he, vaastav me to tu chor he. jab iska haat unchaai par rakhe hui Matki par nahi pahuch paata he, tab yah kankar ya barchhi ki sahaayata se chhed kar deta he. sabke sab thik chhed ke niche mukh karke baari-baari se makhan,dudh,dahi khaate or pite he. hamaare ghar me bare-bare upaay karke chori karta he, yahaan to ase bhethaa hua he bhole -bhaale baalk ke jese, vah re mere shaadhu maharaj.
और पढ़ें

Gopi Ghar Makhan chori part 4

-
चित्र
Ak din Shri Krishna Makhan chori karte samay range haat pakare jaane par, Gopi se bolte hein ki ri tu maiya ke saamne mujhe apni god me lekar pyar karti thi, mene sochaa tere ghar jaaungaa,tera Makhan khaaungaa, tab tu mujhe or bhi adhik pyar karegi isiliye tere ghar makhan lene aayaa hun. Shri Krishna ka ispars,rup maadhurya or sangit se bhi jyada kaano ko khusi dene vaali vaani sunkar Mohit ho gayi, jiski vagah se Gopi ka man or budhi apne niyantaran me nahi the.
और पढ़ें