Vishal Vrikshon ki bahut tej aavaaj sunkar, Prabhu ki Yogmaya Shakti ki sahaayta se, sabhi log, shri Krishna ke paas, paanch ghante me pahuchane vaale raaste me se maatr paanch mint me pahuch gye the. Nand ji ne aate hi apne laal ke aansu ko pochhakar,rasi kholkar puchhate hein ki lallaa tujhe kisne baandha tha? Kanhaiya apne Baba ke kaan me bolte hein ki yah to maiya ka kaam he. Braj raaj jaante hein ki yasoda ji Prabhu ko bahut-bahut pyar karti hein, jarur isi ne atyadhik saraat ki hogi tabhi yasoda ne ise ukhal se baandhi he . apne laal se bolte hein ki maiya ke nikat tumko le chaltaa hun. Shri Krishna bolte hein ki me maiya se baat nahi karunga. Gopiyan puchhati hein ki kiske istan se dudh piyoge? shri Krishna bolte hein ki Gaay ke Dudh me misri daalkar piyunga. Gopiyan phir savaal karti he ki kiske sang kheloge? apne pita ko baaho me bharkar bolte hein Baba or daau Bhaiya ke sath khelunga. Balram ki Mata Rohini ji ke sath nahi kheloge? Prabhu bolte hein ki yah bhi mujhe chhorkar chali gayi thi. Rohini rone lagi_ tu kitna nirdayi ho gya he, teri Mata ko kitna dukh ho raha he, apni ma ke paas chalaa ga, jabse yasoda ji Shri Krishna ko ukhal me baandhkar aayi thi, tabse bari kathinaai se ghar ka kaam kar rahi thi. Grihkaary me man hi nahi lag raha tha. jab bahut jyaada pachhtaava hone laga, tab Bhogan, Jal,kaam tyaagkar, khud ko kamre me band karke, aansu lagaatar bahaaye jaa rahi thi, yadhapi yasoda ji ne apne laal ki udandataa ke liye use dand di thi, taaki yah bhavisya me galat karam n kar paye. das minute me kanha Rohini ji se prasn puchhate hein ki, chhoti maiya meri maiya khaan hein? duvaar ko kundi se band nahi kiya gya tha, isiliye Rohini ji darvaaje ko khol paati hein. yasoda ji ke paas le jaati hein. Prabhu ki mata ko apne Kanhaiya ke aane ka pataa bhi nahi chal paya tha. shri Krishna apni maiya ke pahale aansu pochhe fir gale lagkar, bole ki maiya mujhe bhuk lagi he, tab yasoda ji ko chetnaa aati he . shri Krishna ko ghar laane se pahale Nand ji apne sath sath Krishna ko nahalaaye the. ghar aakar Brahmano se puja karva ke, unsabki manpasand chige daan me diye the, iske alaava bahut sara chumban Prabhu ke gaal par kiye the, taki shri Krishna Ukhal Bandhan me jo dard huaa tha use bhul jaayein, apni maiya ke nikat chale jaayein.
टिप्पणियाँ
एक टिप्पणी भेजें