Gopiyon ka Shri Krishna ke visya me baat karna

Ari sakhi:hamne to aankh vaalon ke jivan ki or unki aankhon ki bas,yahi-itni hi safalta samghi hein;or to kuchh hame maalum hi nahi he!vah kon sa laabh he? vah yahi he ki jab syam Sundar Shri Krishna, Gor sunder Balram ji or Gop Baalkon ke sath Gaayon ko hak-kar van me le ga rahe hon  ya lotakar ghar la rahe hon, us samay unhone apne adhar par murli dhar rakhe hon, ham sab unki rup maadhuri ka paan karti rahe  Ari sakhi jab ve aam ki nayi kople,moro ke pankh,fulon ke guchhe,rang-birange kamal or kumud ki maalayein dhaaran kar lete hein,shri Krishna ke sarir par pitaamber or Balraam ji ke sarir me nilaamber faraane lagta he,tab unka vesh bara vichitr ban jaata he . Gvaal Baal ki mandali me ye dono bicho bich beth jaate hein or sangit ki madhur taan chher dete hein!meri pyari sakhi!us samay asaa jaan partaa he ki do chatur abhineta rangmanch par abhinaye kar rahe hon, ari gopiyon:yah Venu purus jaati ka hone par bhi n jaane pichhale ganam me kon sa sadhan bhagan kar chuka he ki hamlogo ki sampati daamodar ke adharo ki sudhaa suyam hi is parkaar piye ja raha he, jis vriksh ke karan iska astitv aaya he ,jiske jal se sich sich kar iska Vikash hua he, ve sab bhi prem se aanand me bharkar aansu baha rahi hogi, is vanu ko apne ras se sichane vaali nadiyaan, aaj kamalon ke mish romancit ho rahi he, apne vans me bhagvat premi santaano ko dekhakar sharesth purushon ki bhanti vriksh bhi iske saath sambandh jorkar aankho se aanand ke aansu baha rahe hein. Ari sakhi:yah vrindavan Vekunth lok tak prithvi ki kirti ka vistaar kar raha he kyunki yasoda nandan ke charan chinho se yah chinhit ho raha he.