Shri Krishna ki Dipavali Manaane ki lila
Shri Krishna apne mitro Madhumangal or Subal ke sath milkar Dipakon ko jalaa rahe the. Yasoda ji baar baar apne laal ko aakar dekhati thi, iska pahala karan tha, Prabhu aaj itne sundar lag rahe the ki bare bare kavi,lekhak bhi nahi bataa sakte hein, dusra karan yasoda ji ko dar lag raha tha ki mere kanha ka haath n jal jaaye, isiliye apne laal se bolti hein ki mere laal, bahut dipak tumne jalaa diye hein, ab rahne de.
Shyam Sundar kahate hain ki naa maiya mera haat nahi jalega,dekh,ab tak aathso dipak prajvalit kar chukaa hun, ak baar bhi to haat nahi jalaa.
Is samay Shri Radha ji apni Sakhiyon ke sath aati hein.
Prabhu ki Mata apni daasi se kahati he ki jaa bahin Rohini ko kah de ki meri laadli Radha aa gayi hai, ab saara kaam bahut jaldi jo jaayega
Shri Radha ji ka name sunkar Shri Krishna ke haat se dipak gir jaata he, ve apni Maiya se kahate hain ki naa maiya ab dipak nahi jalaaunga, teri baat mene nahi maani, abhi ak diya hath se gir gaya tha,nahi to sachmuch aath jal jaata.
Puja karne ke samay shandilya Maharshi apne shishyon ke sath aaye the, sabhi unko ghuk ghuk pranaam karte the. puja sampann karke maharshi ko Dakshinaa di gayi thi.
Shri Radha ji,unki Sakhiyaan or Yasoda ji mil-julkar Shri Krishna or unke Doston ko khana pros rahi thin, baad me Yashoda ji Radha ji or unki Sakhiyon se bolti hai ki tum log yadi koi bhi bina khaaye-piye jaaogi to me rust ho jaaungi, sab bolti hai ki aap chinta n kijiye, hum sabhi bharpet khaakar hi yahaan se jaayengi.
Shri Radha ji ki Sakhiyaan sabki dristi bachaakar, dhire se, us thaali ko uthaa laati he, jisme shri krishna khaana khaaye the, chunki Kishori ji ki Sakhiyaan jaanti hein ki asaa karne par, Shri ji,Raasesvari ji ko aanand milega.
Shri Radha ji,unki Sakhiyaan,Shri Krishna,unke Mitron ka samuh or Gopiyan milkar Pataake forte hein, Fulghari jalaate hein, Naach,gaan hota he. Prabhu sabko apni baato se atyadhik hasaate hein. Shri Krishna ase pataakon ka nirmaan karvaaye the jisase pradusan n ho.
Yasoda ji Radha Ji ko akaant me bulaakar, Hire ki anguthi dete hua kahati hein ki meri laadli, mere laal ke mukh par prakash he, jiske karan dur se dekhane par uska cheharaa mughe gorvarn ka dikhaai deta hai, tumhe dur se dekhane par, mujhe bharam ho jaata hai ki kahin mere laal ne khel-khel me saari to nahi pahan liya he? paas aakar, dekhane par, tughe paati hun. vidhaata ne tum dono ke chehare ko kese ak saa hi banaaye hein? Shri Radha ji yah sunkar sakuchaa jaati he, apni sakhiyon ke sath apne ghar chali jaati hain.
टिप्पणियाँ
एक टिप्पणी भेजें