my blog about Radha Krishna.amp

Sarad Kritu thi, uske karan Bela,Chameli aadi sugandhit ful mahak rahe the. Raas lila ki dharti par sabhi parkar ki divya chigon or vaatavaran ka nirmaan ho gya tha, jo golok me hota he. Shri Krishna chir haran ke samay, jin raatriyon ka sanket kiye the, un raatriyon ka samay aa gya tha. Shri Krishna us raat ko  brahma ji ki croro raat ke samaan bana diye the. Vrindavan ki dharti par prabhu ki shakti ke karan, do parkar ka samay chakr chal raha tha, ak vrindavan ke logo ke bich maanviya raat ka samay, dusra bhagvan duvaara apni yogmaya ki sahayata se raat ko croro brahma ki raat ke saman raat banana. Shri krishna gopiyon ki chaahat puri karne ke liye man suvikaar kiye the. Bhagvaan ke sankalp hote hi Chandra dev ne purb disa ke mukhmandal par, apne shital kiran rupi karkamlo se laalima ki roli-kesar mal di thi, purnima ki raat thi, chandra dev ka mandal lakshmi ji ke samaan maalum ho raha tha. Shitalta or Amrit ki barsaat kar rahe the. Koyal,Saraas, kabutar,Mor aadi pakshi jamin par or

Shri Krishna duvaara li gayi pariksha me safal hone ke baad, Shri Radha or Shri Krishna lagbhag pratidin milte the . Shri Radha ji apni chhaaya ko Vrishbhanu ji ke ghar me rakh di thi, suyam Shri Krishna ke sath samay bitaati thi. Ak din kisi ki baraat Barsana aayi thi jisme saamil log Shri Radha ji ke mahal me ruke the , sabko mehndi lag rahi thi. Shri Radhe ji ko mehndi lagaane, Shri Krishna aa gye the. Sakhiyaan boli Shyam Sundar tumhe mehndi lagaana aata bhi he, jo hamaari priy sakhi ki mehndi lagaaoge? Shri Radha ji boli me to apne kanha se hi mehndi lagvaaungi  Prabhu shri Raasesvari ko bahut sunder mehndi lagaate hein 

Shri Radha Ji boli Sakhi jinki praapti ke liye_ Brahma or Shiv aadi Devta apni utkrist yogriti se kathor tap karte hain. Dattaatrya,Shuk, Kapil,Aasuri or Angiraa aadi bhi jinke Charan kamlo ko prem bhaav se ispars karte hain, unhi aganma,pripuran devta,lila-avatardhaari,sarvjan-dukh-haari,Bhutal-Bhumi-bhaar haari ttha satpuruson ke kalyan ke liye prakat hua aadi purush Shri Krishna ki tum nindaa kese kar sakti ho? Tum to bari Dhith jaan parti ho. Gvaale to sadaa gaayon ka palan karte hain,goraj ki ganga me nahaate hein,uska ispars karte hain,unke utam namo ka jap karte hain, itna hi nahi unhe din raat gaayon ke sundar mukh ka darsan hota rahta he, meri samagh me to is bhutal par gop jaati se badhkar dusri jaati nahi hai. Tum use kaala-kaluta bataati ho, kintu unki sundarta se aakarsit hokar, Mahadev dusro ke sunder mukh ko chhorkar, jatajut,halaahal-vish,Bhasm,Kapaal or saap ko dhaaran kiye, use dekhane ke liye Braj me dourte-firte hein. Saara sansaar bhakti bhaav se pranaam karke apne

Shri Radha Ji ko jab pata chalaa ki Gopidedi aayi hai, bhaag kar jaati hain milne ke liye, bhitar laakar, aasan dekar vidhi vidhan se puja karti hai. Shri Radha ji bolti hein_ sakhi tumhare bina me raat bhar dukhi rahi thi or tumhare aane se mughe itni prasansa hui, maano khoi hui vastu mil gayi hai, jese kupathy sevan se pahale to sukh maalum hota hai baad me dukh uthaana parta hai, isi parkar kisi priya jan ka sath milne par sukh hota bicha urne par dukh ka anubhav hota hai. Gopdevi ko chup rahte hua dekhakar, shri radhe ji puchhati hein ki tum bol kyun nahi rahi ho? tumhari udaasi ka kya karan he? mugje bataao, me vahi karungi jisme tumhe aanand mile. Mata,saas,Pati,Nanad ne fatkaara to nahi he tumhe? manohare kisi sout ke karan,pativiyog athvaa anyatr chit lag jaane se tumhara mun khin to nahi hua he, ya fir raaste ki thakaavat athvaa kisi rog ke karan dukhi ho? mughe bataao. Shri Krishna Bhakt or Brahman ko chhorkar, jis kisi ne bhi tumse kutsit

Shri Radha ji duvaara, Tulsi ji ki sab parkar se seva karne ka karan_ Shri Krishna ko pataa chal gya tha ki mera sath paane ke liye, yah seva Shri Radha ji ki hein, atha unhone Vrishbhanu suta ki pariksha lene ki soche. Prabhu Atyant Sunder Istri ka rup banaakar, Shri Radha ji ke paas chale gye the.  Shri Radha ji boli sundri sakhi tumhara suvaagat he, shighr apna name bataao? tum suvtha yahaan aa gayi, mere liye param sobhagya ki baat he, is bhutal par tumhari jesi divya naari milna durlabh he, vo nagar bhaagyashali hoga jahaan tum nivaas karti hogi, yahaan tumhare aagman ka kya karan hai, mere yogy koi kaam ho to mujhe bataao taki me tumhari sahaayta kar saku? Tumhare sarir ki aakriti mere pritam krishna se milti he, jinhone mera man chura liya hai, tum roj mughse milne aaya karo, tum n aa sako to mughe hi apne nivaas isthan ka sanket bata do, jis vidhi se ham dono ak dusre se mil sake vo vidhi hame upyog me lana chahiye, yadi sambhav ho to tum mere nikat hamesha raha kar

Ak Din Radha ji ki sakhiyaan Vishakha or Lalita, unke ghar aakar unse boli ki radhe tum jinka khud chintan karti rahti ho or apne aap gungaati ho,ve bhi pratidin Gvalbalo ke sath Barsana me aate hain. Radhe tumhe raat ke pichhale pahar me,jab ve Go chaaran ke liye nikalte hai,unka darsan karna chaahiye ve bare sunder hein. Radha ji boli pahale unka Manohar chitr banaakar, tum shighr mughe dikhaao, uske baad me unka darsan karungi_ isme sansay nahi he. Tab dono sakhiyon ne Shri Krishna Chandra ka bahut Sunder chitr banaai thi, jise dekhakar Shri Radha Ji bahut bahut khush hui thi, haat me rakhe hua photo ko nihaarti hui, aanandmagn hokar so gayi thi, unhone sapne me dekha ki yamuna ke kinare, bhaandir van me, Shyam Sunder Shri Krishna unke paas hi nach rahe hein. Bistar se uthkar Shri Krishna ka darsan karne ke liye chhatpataane lagi thi, itne me hi Shri Krishna Barsana ki patli gali me aa gye the, sakhi ne tatkaal khirki ke paas aakar, Sh

Samhita or Brahmvevart puran me Radha Krishna ki second meeting story Ak Din Nandji, Shri Krishna ko sath lekar Bhandir Upvan me Gaayon ko charaane ke liye lekar gye the, achaanak bahut tej Aandhi-Tuffan chalne lagi thi. Musaldhaar pani barasne ke sath-sath Ole bhi gir rahe the, achanak Devi Radha prakat ho gayi thi. Nandji Istuti karke bole ki Devi Garg ji ke mukh se tumhaare baare me jaanta hun ki tum Hari ki priyatma ho. Bhadre apne is praan-nath ko grahan karo,jahaan tumhara mn ho lekar chali jaao apni manokamna puri kar lene baad mera putr mughe lota dena. JabRadha ji baar-baar Prabhu ko kiss kar rahi thi tabhi Shri Krishna kishore rup me aakar radha jise bole Radhe Golok me Devmandali ke bhitar jo ghatna ghati thi uska tumhe ismaran to he n? Priya purv kaal me mene jo kuchh suvikar kiya hai use aaj puran karunga. Sumukhi radhe tum mere liye praano se badhakar priya ho,hm dono me koi antar nahi hai, tum shiristi ki aadhar ho or me Achyut Bijrup hun. Shri Ra