my blog about Radha Krishna.amp

Bali ka Saahsik name ka putra, Gandhmaadan Parvat par, apna manoranjan kar raha tha. Bhanti- Bhanti ke baaje baj rahe the , Nach, Gaan ho raha tha, baad me Tilotmaa name ki Apsara ke sath Saahsik ne hast- methun kiya tha. Vahin par Achaanak Durvaasa Muni ne, jo yahaan ki Gufa me tap kar rahe the, unko is avasthaa me dekh liye the, isiliye un dono ko saraap diye the. Ve saahsik se bole ki tu gadhe ki tarah aacharan kar raha he isliye tu gdhaa ho ja, iske alava unhone Tilotmaa ko Baanasur ki Putri hone ka abhisaap diye the. maafi mangne par, saahsik ko Balram ji ke duvaara, uddhaar ka vardaan diye the or Tilotmaa ko Shri Krishna ke putra Anirudh ke sath vivah hone ka vardaan diye the.

Ak Din Gop- Baalak Shri Krishna or Balraam ji se bole ki aap dono hmlogo ko hameshaa sukh pradaan karte hein. Aap dono ka Bal praakaram asim he, jiski koi seema nahi he. Duston ko marna to aap dono ka suvabhaav he. Hm sabko bahut tej bhuk lagi he, paas me hi suvistrit Taal van he, jinke Falon ki Manmohak sugandh yahaan tak aa rahi he. Hame un Falon ko khaane ka mn kar raha he. Balraam Bhaiya, Praan Sakha Shri Krishna us van me asuron ka parivaar Gadhe ke rup me rahate hein, jo us van me parvesh karne vaale ko khaa jaate hein, isiliye inko koi nahi Grahan kar pata he. Suvaadist Falon ki sugandh se hamaara man Lubdh ho raha he, unhe paane ko hmsab machal rahe hein, kanha or Daau Bhaiya agar aapko thik lage to, avasya, hame Fal praapt karvaao. Balram ji us van me jaakar ak Taal vriksh ko apne haaton se hilaate hein. Falon ki girne ki avaaj sunkar, Gadhe ka rup me rahane vaala Rakshs dorkar, renkta hua, Balram ji ke saamne aakar, pichhe murka

Kaliya naag ko parivar sahit Ramnik Duveep me bhejne ke baad,  Shri Krishna Yamuna Nadi se jese hi bahar aaye, sabhi bari bari se unko hridya se lagaane lage the. Mosam aanand daayak ho gya tha. Jo Per- Podhe vish se jal gye the, vo prabhu ki Amritmayi dristi se thik ho gye the. Raat me sabke sab Yamuna Nadi ke kinaare hi so jaate hein. aadhi raat ko kans ke duvara bheja gya Danav, chaaro taraf apni maya se aag laga deta he. Taap se sabki nind khul jaati he. ve sabhi apne kanha se yah sochakar Praathna karte hein ki Vipati ke samay, Vishnu Bhagavaan hi isme parvesh kar jaate hein, jiske karan yah apne sath sath sabhi ke praano ki rakshaa karta he. yahi sochakar sab log Shri Krishna se bachaane ki vinti karte hein . Radha Raman ke naam maatr mukh kholne par Agni bujh jaati he. Yamuna Nadi ka jal ab amrit ke samaan ho gya tha.

Garur ji ki Mata Vintaa or Sarpon ki Mata Kadru me praspar ver tha, jise yaadkar ve jo bhi saap milta tha, use kha jaate the. vyaakul hokar sab naag Brahma ji ki Sharan me gye the. Unhone yah niyam banaaye the ki partyek Amaavasya ko, Sarp parivar, baari baari se Garur ji ko, ak sarp ki bali diya kare, lekin jab kaaliya naag ke parivaar ki baari aayi tab usne garur jise laraai karna suru kar diya tha. ant me haarkar kaliya naag parivar sahit upper ke sabhi loko me- niche ke sabhi loko me jahaan jaata tha, Garur ji uska pichhaa karte the. ant me, thakkar, Shes naag ji ke Sharan me gya tha, jo use bataaye the ki Yamuna Nadi ke kund me Garur ji nahi ja sakte he, kyunki Tapasvi Sobhari duvara, unko balpurvak Matsya khaane ke karan, is isthaan par bhasm hone ka abhisaap mila he. Matsya ke marne par Machhaliyon ko bahut dukh hua tha, jise dekhkar Tapasvi Sobhari ko krodh aa gya tha, unhone sharaap dekar Yamuna Nadi ke kund ka isthaan,  Garur ji ke liye agamya banaa diye the,siliye tum sapari

Suvaambhuv Manvantar me, Bhrigu vans me, Ved- Shiraa name ke Muni the, jo Vindhya Parvat par tapasya karte the. ak din Asv- Shiraa Muni bhi vahaan par Saadhana karne aaye the. ved shiraa muni unse bole ki Tapodhan tum anya isthaan par jaakar Tap kar lo, tab asv shiraa muni bole yah Bhumi n meri he- n hi tumhari he, yahaan Aadhyaatmik kaam karne ka adhikaar sabhi ka he, chunki yah Dharti Shri Vishnu Bhagavaan ki he, isiliye koi bhi tapasya kar sakta he. Baar- baar samjhaane par bhi ved shiraa muni nahi maane, tab asva shiraa muni ne unko yah kahakar saap yoni me jaane ka abhisaap diye ki tu naag ki bhaanti mukh se bina karan vish ugalta he, isiliye tu sarp ki yoni me chalaa ja sath hi sath tujhe Garur se Bhay prapt ho.  yahi aage jaakar Kaliya naag bane the. ved shiraa muni bhi kouvaa ki yoni me jaane ka abhisaap asv siraa muni ko diye the. Vishnu Bhagavaan Prakat hokar bolte hein ki tum dono hi mere bhakt ho, is karan praspar diya gye abhisaap vardaan me badal jaayega. jab me Shri Kris

Shri Krishna kaliya naag ke seeron par nachana suru karte hein. vah jo bhi seer upper uthaata tha, Prabhu apne Charan kamal us par rakh dete the_ sur,lay,taal ke anusar. uske sarir ka kachumar nikal gya tha, vah Mukh or Nathuno se khun ugalne laga tha, marne jesi haalat ho gayi thi, baar baar murchhit ho jata tha or thori si bhi chetna aane par Fufkaare marne lagta tha. ak kahaavat he rasi jal gayi lekin bal nahi gya, yahi haal is dust ka he. jab Prabhu Nritya kar rahe the, tab Devgn Fulon ki barsaat kar rahe the, Apsaraayein naach rahi thi, Gandharav gaa rahe the, Baaja bhi baj raha tha, Krishi, Muni Istuti kar rahe the. jab kaliya naag ki patniyan dekhi ki ab hamaare suvaami nahi bachenge, tab un sabne Shri Krishna ki Sharan aakar Istuti karti hein sath hi sath apne pati ko mukt karne ki praathana karti hein, iske baad kaliyanaag bhi istuti karta he. Apne apraadh ke liye maafi mangta he. Prabhu bolte hein ki mere Charan Kama

Kaliya naag, Shri Krishna ke sabhi ango par dasne ki kosis anek baar kiya tha. jab usne dekha ki is baalak par vish ka parbhaav nahi ho raha he, tab usne Prabhu ko apne vishal sarir me lapet liya tha. yah dekhakar Gop baalak behos ho gye the . bhayankar apsagun ho raha tha, jise dekhakar sab sochane lage ki, ham sabke jivan dhan kanha kushal mangal se he n, kahin asaa to nahi he ki fir se kisi rakshs ne aakraman kar diye ho? sabke sab ghar chhorkar Shri Krishna ko dhundhate- dhundhate, Prabhu ke Charan chinho ki sahaayta se, kaliya naag ke nivaas isthaan ke paas aa gye the. sabse pahale Nand ji yah kahakar murchhit hua the ki haay mere laal, tu to mughe atisay pyaar karta tha re ,tu sahasaa asaa dusshaas kese kar gya? mughase pahale tu chala gya. iske baad sabhi Gop chetna hin ho jaate hein. Yasoda ji, Rohini ji, Gopiyon ko Prabhu ke bina tino lok sunaa- sunaa lag raha tha. ve sabhi kaliya naag ke nivaas isthaan kund me kudna suru karti hein, Balram ji Balpurvak un sabko rok lete hein.