my blog about Radha Krishna.amp

Bhagvan Shri Krishna ji ko, bhraman karte- karte raaste me, kuchh vesy dikhaai diye jo prabhu ko apne nikat dekhkar, un sabhi ne paan,ful,fal,itr or dudh se shri krishna or balram ji ka pujan kiye the. Shri Krishna un logo se puchhate hein ki yagya me prayog hone vaale dhanush ka isthaan kahaan hai? Vesyo ko dhanush ke tute jaane ki aasankaa hui isiliye un sabne kahaa ki hume nahi jaante hai, lekin kuchh logo ne murli manohar ke rup,gun or maadhurya se prabhaavit hokar, unhone dhanush, jis yagya mandap me isthaapit, chaturthi ke din, puja karne ke baad isthaapit kiya gya tha, us dhanush rakhe hua isthaan bataa diye the, jo bahut vishal mandir tha. Shri krishna us dhanush ki rakhvaali karne vaalo se bole ki me is dhanush ko uthaanaa chaahataa hun. Nandnandan ki baat sunkar vahaan log huskar, kahane lage ki bare- bare pahalvaan ise uthaane me asamarth hein, yah chhota sa sukumaar baalak ise uthaayegaa, jisko paanch hajaar dehik rup se shaktishaali log milkar hi ak isthaan se dusre isthaa

Mathura ke Raajmaarg se, chalte- chalte bich raaste me, ak yuvati, shri krishna,balram ji or gop baalko ko dikhaai di, jo chandan ka gaadhaa angraag, kisi bare bartan me, do chhote- chhote barte me laal or pile rang ka angraag or fulo ki mala lekar, kahin ja rahi thi. Uska mukh sundar tha, kubri hone ke karan dande ke sahaare, jhuk- jhukar chalti thi. Prem ras ka daan karne vaale govind uspar kripa karne ke liye, atyant prem se Shri Krishna usase puchhate hein ki sundari tum kon ho,yah chandan ka gaadhaa angraag or fulon ki mala kiske liye lekar ja rahi ho?kalyani hume sab baat sach sach bataao, is chandan ka angraag hume bhi do, asaa karne par, jaldi hi, tumhara param mangal hoga. Kubja boli me maharaj kans ki priy daasi trivakraa hun, kubri hone ke karan mughe kubja bhi kha jaata he,mere duvara teyaar kiya hua chandan ka anulepan bhojraaj kans ko bahut achhaa lagta he, sath hi sath vibhin parkar ke,alag- alag rango ke fulon ki mala teyaar karke bhi unko deti hun, aapko dekhne ke baad

Shri Radha ji ki sakhiyaan boli, hum sabki pyaari sakhi raadhe_ humlogo ki ak baat suno, ye brajbhushan- nandnandan or unke sakha log tumhari barsaana nagri ke bagiche me, holika utsav vihaar karne ke liye aa rahe hein, sobha sampann yovan (javaani) ke mad se mat unke chanchal netr ghum rahe hein, ghungharaale- ghungharaale unke kaale baal, unke kandho or gaalo ko chum rahe hai, sarir par pile rang ka pejaama atyant sundar lag raha he, unke charan kamal se sangitmy nupuro ki aavaaj aa rahi he, unke mastak par savere nikle hua suraj ke prakash ke samaan kaantimaan mukut he, sundar pitaambar or aabhushano se bahut-bahut- bahut sundar lag rahe hein, is dhara par pitaambar pit prabha ke prakash se sushobhit, unka shyam- kaantimandal, usi prakaar utkrisht shobha pa raha he, jese aakash me indr dhanush se yukt meghmandal sushobhit hota he, abir or kesar ke ras se yukt, unka saara ang lipt he, unhone haat me nayi pichakaari le rakhi he holi utsav manaane ke liye  ve tumhara hi intajaar kar ra

Kuber ji ke chetr_rath_van name ke bagiche me, hemmaali name ka ak maali rahta tha, jo prabhu ka bhakt,shaant,dindukhiyon ki sahaayta karne vaala or satsangi tha. Usne Paanch hajaar varsho tak, shivji ko tinso kamal ke ful chadhaata tha, haat jorkar,seer jhukaakar pranaam karta tha. Ak din shiv ji uski araadhna se prasann hokar, darshan dekar bole param budhimaan maalakaar, tumhara jo mun kare maango, tab usne mahadev ji ki parikrama karke,seer jhukaakar, pranaam karne ke baad bola ki mujhe yah vardaan dijiye ki mere ghar prabhu ka aanaa ho. Bhagvan Shankar use yah vardaan dete hai ki shri krishna avatar me prabhu tumhare ghar aayenge  

Shri Krishna or Balram ji sudama maali ke ghar gye the, tab usne dharti par seer rakhkar pranaam kiya tha, charan kamal pakhaara tha or hath bhi dhulvaya tha, fir fulon ke haaro,paan,chandan aadi se vidhipurvak puja Kiya tha, bolne laga tha ki aap dono ke aane se mera ghar or kul dhany ho gye hai, mera ganam lena safal ho gya he. Aaj me devta,pittar or rishi ke karg se mukt ho gya hun, ye sabhi mujh par param santust ho gye hai . Aap sampuran Jagat ke param karan hein, aap sansaar me abhiyudy_ unnati or nihshreys_ mokksh ke liye apne gyaan,kala aadi anso ke sath prithvi par avatar liye hai yadhpi Aap prem karne vaalo ko hi prem karte hein, bhajne vaale ko hi bhajte hein_ fir bhi aapki najar me vishamta nahi hai. Aapki dristi me'sabhi jiv samaan hein, aap samrup se sabhi praaniyon or vastuon me nivaas karte hein, aap sabke param suhrid or sabke aatma hein. Yah aapka anugrah or purn kripa hoti hai jab aap kisi Ko aagya dekar, kisi kaarya me niyukt karte hai, me aapka daas hun, mere y

Ram ji ke samay, mithilaa puri me, ak darji rahta tha, jisne shri ram ji ke vivaah ke samay, maharaj ganak ke aadesh dene par, shri Ram or lakshman ji ke dulhe vaale kapde sile the. Inki tribhuvn mugdh karne vaali sundarta dekhkar, atyant mohit hi gya tha, usne sochaa tha ki kab use shri ram or lakshmn ji ko apne haatho se vastr silkar, pahanaane ka avasar milega? Antaryaami Shri Ram Ji uski mun ki baat jaankar, mun hi mun aashirvaad diye ki shri krishna avatar me tumhari yah kaamna puri hogi, yahi darji mathura me fir se darji ke rup me ganam liya tha, jisne shri krishna,balram ji ko kapre dhaaran karvaake, apni abhilaasha purn ki thi

Kuchh Kapde vahin chhorkar thora aage jaane par, unko ak darji dikhaai diya, vah in dono bhaiyo ki sundarta dekhkar mugdh ho gya tha, usne shri krishna,balram or gvaal baal ke sarir me dhile_ dhaale kapre dekhkar, un rang_ birange or sundar vastro ko un sabhi ke sarir par aise dhang se sajaa diya ki ve sab thik thik  fab gye the. Shri Krishna ne prasann hokar us darji ko atulya dhan_ sampati,aayu,bal,kirti,kaanti,dur tak dekhane, sunane ki indriy sambandhit power or marne ke baad apne dhaam golok me jaane ka vardaan bhi de diye the. Apna saarupy moksh pradaan kiye the.