my blog about Radha Krishna.amp

Kusti ke anurup baaje ki aavaaj band hote hi shri Krishna or chaanur aapas me kusti karne lage the. Hatho se haath baandhkar,pero ko adaakar ak dusre ko apni -apni taraf khichane lage the, panjo se panja,matha se matha,ghutne se ghutna, chhaati se chhaati bhiraakar ak dusre par chot karne lage the. Daav- pench karte- karte apne pratiduvandi ko idhar-udhar udhar ghumaate,dur dhakel dete,jor se jakar lete,chipak jaate or uthaakar patak dete the,kabhi chhutkar nikal bhaagte the,kabhi chhorkar, pichhe hat jaate the, is parkar ak dusre ko rokte,ak dusre par chot karte or haraane ki kosis kar rahe the. Kabhi koi niche gir jaata to dusra pero or ghutno se dabaakar,haatho se pakar kar, uppar ki taraf le jaakar, gale me lipat jaane par, dur dhakkaa de deta tha, kabhi-kabhi  jarurat parne par, hath per ikhathaa karke, gaath baandh diya jata tha. Mathura ki kuchh istriyaan dangal dekhane aayi thi, jab un sabne dekha ki chhote- chhote sukomal baalko ke sath bade- bade Pahalvaano ke sath kusti karv

Shri Krishna or Balram ji kuvalayapida haathi ke bare- bare do daaton me_ ak shri krishna ke haath me, dusra balram ji ke hath  me, sastr ki tarah sushobhit ho raha tha. Dono bhaiyon ke sarir rakt or pasine ki bundo se shobha de raha tha, inke pichhe- pichhe gopbaalak chal rahe the. Sabne apne bhaavna ke anurup prabhu ko dekhe the. Pahalvaano ko vajr ke samaan kathor sarir vaale,saadhaaran logo ko nar- ratn,Gopo ko svajan,Naariyon ko murtimaan kaamdev,Mata- Pita ke samaan bade- budhon ko baalak,dust raajaaon ko dand dene vaale shaasak,kans ko apni mrityu,agyaaniyon ko saadharn manusya,aadhyaatmik gyaaniyon ko purn brahm parmaatma,Yogiyon ko yogesvar or param- tatv rup me,or bhakton ko apne istdev ke rup me dikhaai diye the. Sabne apne bhaav ke anusaar kramash_ roudra,bhayaanak,vaatsalya,haasy,adhbhut,vir or prem bhaav ka anubhav kiye the. Shri Krishna ke Gun,sondrya,maadhurya or nirbhayta ne sabko prabhu duvara pichheli ki hui lilaayein, yaad aane lagi thi, sabhi in dono bhaiyon ke gun

Shri Ram ji panchvati me jis samay, Sita ji or lakshman ji ke sath samay vyatit kar rahe the, usi samay surpnakha name ki ak rakshsi Shri Ram ji ki trilok mohini sundarta ko dekhar, unke paas jaakar boli ki me aapko pati rup me paana chaahati hun. Shri Ram Ji se, jese hi yah jaankari mili ki ve ak patnivart ke palan me tatpar hein, ataha inke mun me dusri naari ke prati moh nahi he, vese hi vah Sita ji ko khaane ki liye unki taraf bhaagi, Lekin lakshman ji bich me aakar, tikhi dhaar talvaar se uske kaan or naak ko kaat diye the. Surpnakha krodhit hokar, roti_ roti ravan ke paas jaakar, juth bolkar shri ram or lakshman ji ke baare me, khub bharkaati he, iske baad puskar tirth me khinn mun se jaakar, jal me khadi hokar, dus hajaar varsho tak mahadev ji ki aaraadhana ki thi. Shiv ji uski tapsya se prasan hokar, usko vardaan maangne ke liye bole the. Vah boli ki devo ke dev mahadev, aap sab parkar ki manokamna puri karne me asamarth hein, me shri ram ji ko sada ke liye apna banaana chaahat

Raja Bali ke ak vishal sarir vaala or powerful putr tha, jiska naam mandgati tha, jo shstr dhaariyon me sabse kshresth tha. AK din vah Shri_ rang_ nath ji ke yaatra me shaamil hone ke liye ghar se nikla tha. Yaatra me, vah apne hatho se logo ko giraakar, unko kuchalta ha raha tha. shaktishali hone ke Karan koi bhi virodh nahi kar paya tha. Usi yaatra me trit muni bhi saamil the, ve bhi mandgati ke haath se chot lagne par niche gir gaye the. Girte hi unhone mandgati ko abhisaap dete hua bole ki durbudhi tu haathi ki tarah mad se unmat ho raha hai isiliye haathi ho ja. Mandgati ke duvara kshamaa maangne par, shri krishna bhagvan ke haast kamal(haathi se) se uddhaar hone ka vardaan mila tha.

Mathura ke dakshin me ak shiv ja ka mandir hai, jise rangesvar mahadev mandir bolte hai, jo is nagar ke kshetrpaal rup me upasthit hein or bhakto ki manokamna puri karte hein. Isi me kans ne dangal ka aayogan karvaya tha, bhagvan Shri Krishna or balram ji puchhat_ puchhate yahaan pahuch gaye the. Mandir ko fulon ke gajro,chhoti_ chhoti jhandiyon,chamkile atyant chote_ chote kapde,bandanvaar or anya sajaavat ki chigon se bahut sundar sajaaya gya tha. Shiv jo ko bhi bahut sundar sajaya gya tha. Kans apne mantriyon ke sath chhote chhote rajaaon or bare bare rajaon ke bich me, unche isthaan par, shresth sinhhaasan par betha tha. In Sinhhaashan ko bhi bahut_ bahut sundar sajaaya gya tha. Dangal ke anukul baaje ki aavaaj sunkar, shri krishna or balram ji teyar hokar, mandir ke darvaaje se bhitar ghusne ki kosis karte hai, bich raaste me kuvalayapida name ka haathi khada tha, jiske uppar ak mahavat bethaa hua tha. Bhagvan Shri Krishna Mahavat se bolte hein ki mahavat o mahavat, hum dono ko ra

Bhagvan Shri Krishna ji ko, bhraman karte- karte raaste me, kuchh vesy dikhaai diye jo prabhu ko apne nikat dekhkar, un sabhi ne paan,ful,fal,itr or dudh se shri krishna or balram ji ka pujan kiye the. Shri Krishna un logo se puchhate hein ki yagya me prayog hone vaale dhanush ka isthaan kahaan hai? Vesyo ko dhanush ke tute jaane ki aasankaa hui isiliye un sabne kahaa ki hume nahi jaante hai, lekin kuchh logo ne murli manohar ke rup,gun or maadhurya se prabhaavit hokar, unhone dhanush, jis yagya mandap me isthaapit, chaturthi ke din, puja karne ke baad isthaapit kiya gya tha, us dhanush rakhe hua isthaan bataa diye the, jo bahut vishal mandir tha. Shri krishna us dhanush ki rakhvaali karne vaalo se bole ki me is dhanush ko uthaanaa chaahataa hun. Nandnandan ki baat sunkar vahaan log huskar, kahane lage ki bare- bare pahalvaan ise uthaane me asamarth hein, yah chhota sa sukumaar baalak ise uthaayegaa, jisko paanch hajaar dehik rup se shaktishaali log milkar hi ak isthaan se dusre isthaa

Mathura ke Raajmaarg se, chalte- chalte bich raaste me, ak yuvati, shri krishna,balram ji or gop baalko ko dikhaai di, jo chandan ka gaadhaa angraag, kisi bare bartan me, do chhote- chhote barte me laal or pile rang ka angraag or fulo ki mala lekar, kahin ja rahi thi. Uska mukh sundar tha, kubri hone ke karan dande ke sahaare, jhuk- jhukar chalti thi. Prem ras ka daan karne vaale govind uspar kripa karne ke liye, atyant prem se Shri Krishna usase puchhate hein ki sundari tum kon ho,yah chandan ka gaadhaa angraag or fulon ki mala kiske liye lekar ja rahi ho?kalyani hume sab baat sach sach bataao, is chandan ka angraag hume bhi do, asaa karne par, jaldi hi, tumhara param mangal hoga. Kubja boli me maharaj kans ki priy daasi trivakraa hun, kubri hone ke karan mughe kubja bhi kha jaata he,mere duvara teyaar kiya hua chandan ka anulepan bhojraaj kans ko bahut achhaa lagta he, sath hi sath vibhin parkar ke,alag- alag rango ke fulon ki mala teyaar karke bhi unko deti hun, aapko dekhne ke baad