my blog about Radha Krishna.amp

Shri Radha ji apne mahal me apne room  me nile rang ki bedsheet odhkar leti hui thi. Ankhe band ki hui thi,unko nind nahi a rahi thi,bagal me ak manjari apna per latkaakar bethi hui thi  Shri ji ki sakhiyan or manjariyan apne- apne kaam me busy thi_ koi ubtan teyar kar rahi he,koi chandan ghis rahi he,koi kisi katori me tel nikaal rahi he ,koi chhote bartan me to koi bade bartan me paani bhar rahi he,koi dant manjan katori me nikal rahi hai,koi kapda sukha rahi he,koi teyar ho rahi he,koi radha ji ke liye vastr nikaal rahi hai,koi tulsi puja ke liye saman ikathaa kar rahi he,koi raasesvari ke liye fulon ki mala bana rahi he,koi nikle hua bahut saare makhan ko vibhin prakar ke bartno me daal rahi he,koi vastuon ko vyavasthit jagah par rakh rahi he,koi dudh garam kar rahi he,kaam ke bich me jab jewelry se avaaj hoti tab in sabhi ko lagta tha ki shyam sunder aa gaye he. Radha ji ke room me lalita ji teyar hokar, shri ji se puchhati he ki nind aayi ki nahi sach sach batana? Kishor...

Aaraam karne vaale nikunj me Shri Krishna  apni sabse pyari radha -Rani ke sath, bahut- bahut sundar bistar par lete hua the .Maniyon ka halka dhima prakash fel raha he,chaaro taraf divaar par pile rang ke makhmal ka kapda ase laga hua he, maano isi se divaar bani ho,isi makhmal par shri krishna or unki priyatma ke raat ke samay ka vihaar lila ka chitr banaya gaya hai,dekhne se asaa lagta hai ki ye sab chitr n hokar radha krishna ki sajiv murti ho ,purv or dakshin ke kone me sone or mani se bani hui ak chouki rakhi hui he jisme pine ke liye paani rakha hua hai sath hi sath glass bhi rakha hua he, iske bagal me ak chouki raki hui he, jispar choude mukhe vaale bartan me haath- mukh dhone ke liye kisi bartan me jal rakha hua he , paschim or dakshin ke kone me rakhi hui chouki par sajne- savarne ka samaan rakha hua he, isi ke bagal vaali chouki me sisa rakha hua hai, Purab disa me ak sone ka pinjra rakha hua hai jisme radha rani ki priya meina  bethi hui thi . Subha hone hi vaali ...

Nand ji Uddhav se milkar, unko bade pyar se gale se lagaate hein, jab ve bed par bethte he, tav unko vibhinn prakar ke suvaadist- suvaadist bhojan karvaaya jaata hai, iske baad nand ji ke nokaro duvara per dabaakar or pankha jhalkar thakaavat dur ki jaati he . Nand ji uddhav jise bole param- bhaagyvaan uddhav ji humare mitr vasudev ji jail se mukt ho gaye he, ab ve apne aatmiye- suvajano or apne putro ke sath honge, ve sab sakushal he n? Accha hua mahapapi kans apne sathiyon ke sath mara gaya, vah sada sajano ko sataya karta tha, atyaachari raja tha . Uddhav ji aap yah bataaiye ki Krishna hum sabhi ko yaad karta he n? Kya ve hum sabse milne ak baar aayenge, yadi aa jaate to hum log unki sughad naak, madhur muskan, manohar chitvan se yukt chehara to dekh lete. Shri krishna ka hridya uddaar he, unki shakti anant he . Unhone hum sabhi ko anek sankaton se bachaaye hein, indr ke prakop se,mughe ajgar se, kaaliyaanaag ke vish se,jangalo me lagi aag se . Hum sabhi uski sabhi lilaon ka mun se ...

Saakshaat Paripurntam Bhagvan Shri Krishna_ Yashoda maiya,nandbaba, apne mitron, gopiyon,apni praanadhar shri radha or brajvaasiyon ko yaad kiye the, atha ak din akaant me apne dost uddhav ko bulaakar, prabhu premgadgad vaani me bole ki sakhe tum brajmandal me jaao, mera ak patr yashoda maiya,dusra patr nand baba ko dena,tisra patr meri sabse priye radhika ko uske bhavan me jaakar patr dena,choutha patr mere mitro ko kushal samachar nivedan karte hua dena,is tarah atyant mohit hui gopiyon ke croro samuh ko alag- alag patr dene he  . Mere Pita Nandraaj bare dayaalu he, unka mun mujhme hi laga rahta hai or meri maiya yashoda jaldi hi apne paas bulaane ke liye mera ismaran karti hai, in sabhi ko tum apne karmo or vaani se aanand pradaan karna. Meri Gopiyan mere virah ki vyaadhi se bahut hi dukhi ho rahi hai, unhe mera sandesh sunaakar us vedna se mukt karne ki koshish karna,pyare uddhav gopiyon ka mun har pal-har din mujhme hi laga rahta hai,unke praan,unka jivan,unka sab kuchh mei hi...

Bhagvan Shri Krishna ke haatho me sushobhit hone vaale sudarshan chakra,gadaa or shankh aadi me chetna hoti hai. Bhagvan Shri Vishnu ke haath me, hamesha rahane ke karan or bajaane par, unke otho ko baar- baar chhune ka avsar milne ke karan, shankh ko abhiman ho gaya tha ki mujhe_ shri hari sadaa apne hatho me pakre rahte hai, mera rang raajhans ke samaan safed he,me dakshinaa- aavart shankh hun,yudh me jitne par narayan mujhe bajaaya karte he. Suyam Dhan ki Devi Lakshmi ko bhi prabhu ke otho ka ras pine ko nahi milta he,  use me pita rahta hun, mera sobhaagy devi lakshmi se bhi badhkar he, me sabse shresth hun . Shank ki baato ko sunkar, devi lakshmi ko uspar bahut krodh aaya, unhone use abhisaap di thi ki durmate_ tu daanav ho ja, devi lakshmi ke itna kahate hi, vah divya shankh raakshs ban gaya tha. Maafi mangne par, shri vishnu ke aathve avatar_ shri krishna rup me, is yoni se mukti milne ka vardaan mila tha  .

Shikshaa puri karne ke baad, shri krishna apne guru se bolte he ki aapka jo mun kare, guru dakshinaa maang lijiye. Saandipni muni in dono bhaiyon ki adhbhut- mahima or alokik- budhi ko jaan liye the, isiliye unhone apni patni se salaah lekar, nirnay liye ki prabhaas kshetr me, humara jo baalak, dubkar mar gya tha, use vaapas ,guru- dakshinaa ke rup me maanga jaaye. Shri Krishna or Balram ji ko, unke guru aagya dete he ki unko dakshina me, unka mara hua putr, vaapas chaahiye, jo prabhaas kshetr me samundr me dubkar mar gaya tha. Shri Krishna or Balram ji atyant saahasi,nidar, shaktishali the, rath lekar prabhaas kshetr me jaane ke liye chal diye the. Kuchh Samay tak samundr ke kinaare bethe rahe, shri Krishna ke sarir se nikalne vaale alokik prakash or sugandh se samundr jaan gaya tha ki, suyam parmatma shri Krishna mere tat par bethe hua he. Sumundr Puja ka samaan lekar prabhu ke paas aakar pahale unki istuti ki fir puja kiya. Shri Krishna Bhagvan samundr se bole ki tumne apni bari- ba...

Vasudev ji apne Purohit Gargacharya ji or anya brahmano ke duvaara, apne dono putron ka duijaati samuchit yagopavit sanskar karvaaye the, in sabhi ko vividh prakar ke kapde, jewelries,dakshinaa,bachhare vaali asi gaay diye the, jo sone ka abhushan pero me,gale me pahane hui thi sath hi sath,seing me bhi sone ka cover laga hua tha,pith par bahut sunder mulyvaan kapda bhi udhaayaa gya tha, dudh bhi bharpur deti thi, iske alava vasudev ji apni saatvi or aathaavi santaan ke ganam nakshatr me jin gaayon ka daan karne ka sankalp kiye the, unko kans chhin liya tha, ab kans ke marne par, ve sabhi gaaye praapt ho gayi he, jinhe mathura ke dust raaja ne anuchit bal prayog karke chhin liya tha. Iske Baad Shri Krishna or Balram ji ujjain me nivaas karne vaale kaasyap gotr sandipni muni se chosath ( 64 )din me chosath (64) kala sikh liye the. Ye Dono bhai tan- man se apne guru ki seva karte the, yadhapi inhone hi in kalaaon ka nirman kiye  hein, fir bhi sikh rahe the_ taaki logo ko sikh mile ki...

Bhagvan Shri Krishna apne pita ke charan chhukar, bolne lage ki aapne or maiya yashoda ne bade, laad- pyar se humara laalan palaan kiye hein, sansar me keval mata- pita ka prem hi nisuvaarth hota hai. Jinhe Palan- poshan n kar sakne ke karan, sage sambandhiyon ne tyaag diye hein, unko jo log mata- pita ke samaan, prem se paalte hein, ve ganam dene vaale mata- pita se badhkar aadarniy hote hai . Pitaji ab aap log braj me jaaiye, me jaanta hun ki aap sabhi brajvaasiyon ko mujhse dur hone me dukh hoga,prantu kya karu?me vivash hun, yahaan apne suhrid sambandhiyon ko sukhi karke, hum app sabhi se milne aayenge, nand baba or apne mitron ko samghaakar ,kimti kapde, jewellery or dhaatuon ke kai prakaar ke bartan uphaar me diye the . Nand ji Shri Krishna or Balram ji ko hug kar liye the, tthaa gopbaalak bhi shri krishna or balram ji ko baari- baari se gale se lagaaye the. 

Shri Krishna apne Nana Ugrasen ji se bole ki aap humaare raja he, hum logo par shaashan kijiye, yadhapi raja yayati duvara abhisaap yaduvanshiyon ko mila he ki ve is raajy par shaashan nahi kar paayenge, prantu meri ikshaa shakti ke aage, inka abhisaap asafal ho gayega, meri ikshaa he ki aap raja bane. Jab Me Suyam sevak bankar aapki seva karunga tab sab devta aapka sath denge , dusre narpatiyon ke baare me kahana hi kya he? Kans ke dar se yadu,vrishni,andhak,madhu ,daasaarh aadi vanso me utpann apne sajaatiye sambandhiyon ko dhundhvaakar Unsabhi ka sammaan kiye,saantvana diye or unhe khub dhan- sampatti de diye the, tthaa apne- apne gharo me basa diye the. Ghar se bahar rahane par in sabhi vansiyon ko atyant dukh uthaana padaa tha ,ab ye log shri krishna or balram ji ke baahubal se surakshit the, sukhpurvak jivanyapan karne lage the. Bhagwan Shri Krishna ka sarir Param aanand ke ras se bharaa hua he, jise baar- baar dekhane par bhi mun nahi bharta he. Unki sundarata ka koi kinara nahi...

Shri krishna or Balram ji karagaar me apne Mata pita se milne jaate he, sabse pahale hathkadi beri kholte he, fir per chhukar pranam karte he, apne putro ke duvara pranam karne par bhi, hridya se nahi lagaye the, chunki ve soch rahe the ki hum jagdisvar ko apna putr kese samajh sakte he? Shri Krishna inki mun ki baat jaan liye the ki mere mata pita ko mere asvarya or bhagvatbhaav ka gyaan ho gya he, asa hone par me inse putr prem ka sukh nahi prapt kar paaunga, isiliye inki budhi ko apni lila ke anukul karna hi hoga. Shri Krishna apni shakti se inki budhi ko apni lila me sahaayak bana lete he . Meri am-ma mere pitaji !aap humare liye sada tarpe he, humare bachpan,pougand or kishor avastha ka sukh nahi paa sake, durbhaagyvash hume aap dono se dur rahana pada, jiske karan hum dono Bhai aapka prem nahi pa sake. Mata- Pita hi apni santaano ko ganam dekar,paalan poshan karke use is laayak banaate he ki vah arth (dhan),dharam(acche kaam),kaam (vivaah karke sansaar ka kalyaan karne vaali sant...

Kuber ji ki raajdhaani alkaapuri me devyaksh naam ka ak dhaarmik,dayaalu yaksh rahta tha, jiske aath putr the, jinke naam Devkut, Mahagiri,Gand,khand,Akhand,Prachand,Prithu or dand tha. Ak Din inke pita ne in sabhi ko, Shiv ji ki puja ke liye ful laane bheje the, inlogo ne shiv ji ki puja me chadhaane vaale fulon ko sungh liye  the, jiske karan mata parvati krodhit hokar agle ganam me dust ki sangati prapt karke, rakshs ho jaane ka abhishap di thi. Maafi maangane par, Balram ji ke sath larkar, unse mukti prapt karne ka vardan mila tha.

Duvaapar Yug me ganam lene se pahale kans rakshas yoni me ganma tha, jiska naam kaal nemi tha,pita ka naam virochan tha. Usko shastr kala or tantr vidya ki jaankari hone ke sath sath shaktishali bhi atyant tha, sabhi devta usase thar- thar dar se kaapte the . Jab devaasur yudh hua tha is dust ne bethe hi bethe bhagvan vishnu par trishul chalaya tha lekin narayan trishul ko pakar kar, usi se usko maar daale the, iske marne par sabhi devata bhaymukt hokar hari ke guno ka gaan karne lage the  . Bhagwan Vishnu bole ki yah duvaapar yug me fir se ganam lekar kahar barpaayega, yah sunkar devgn fir se bhaybhit ho haye the . Kaalnemi naam ka ak dusra daanav bhi hua hai jisne hanuman ji ko sanjivani laane me rukaavat daala tha. Sabhi Devtaaon ko darte hua dekhkar bhagvan Shri Hari bole ki us yug me, mei shri krishna avatar me use maarkar aap sabka dar dur kar dunga. Ugrasen ji ka vivaah pavanrekha ji ke sath hua tha, jo bahut sundar thi, chanchal, hansmukh suvabhaav tha. Dono pati-patni...

Jab kans ke pradhaan pahalvaan maare gaye or bache hua sabke- sab bhaag gaye,tab kans ne gaaje- baaje band karvaake, bola ki are! vasudev ke in duscharitr ladko ko nagar se bahar kar do,gopo ka sara dhan chhin lo or durbudhi nand ko karaagaar me daal do, vasudev bhi bara kubudhi or dust he use jaldi se- jaldi maar daalo or ugrasen mere pita hone par bhi apne anuyaayiyon (followers) ke sath dusmano se mila hua he isiliye use bhi jivit nahi chhorna. Bhagvan Shri Krishna atyadhik krodhit hokar, furti se vegpurvak, uchhalkar, lila se hi uske unche munch par ja chadhe the. Jab kans dekha ki mere mrityusuvarup bhagwan shri krishna mere saamne aa gaye hai, tab vah achaanak khare hokar, ak hath me dhaal or dusre haath me talvaar le liya tha, chot karne ka avasar dhundhata hua, pentaraa badalne laga tha, aakash me urte hua baaj ke samaan kabhi baayi taraf jaata to kabhi daayi taraf jaata tha, bhagwan shri krishna ka prachand tej atyant dussha he, jese garud saap ko pakar lete hein, vese hi bhag...

Amraavtipuri me utathya name ke muni rahate the, jo ak brahman the, unke paanch atyant sunder putr kusti karte the. Ak din utathya ko apne beto par atyadhik krodh aaya ki brahman ke dharam ko chhorkar kshatriya ke dharam ka palan kar rahe ho, pahalvaani kar rahe ho, tum paancho ke paancho ko mene tumlogo ko kitna samjhaya tha ki brahman ka dharm dhaarmik pustako ko padhna,puja paath karvana,tap karna, indriyon ko apne niyantaran me rakhna he, kusti karna nahi hai, fir bhi tumsabhi ne meri baat nahi maani he, atha agle ganam me bare hokar, pahalvaan banana or daanvon ki sangati se daanv ban jaana. Abhisaap milte hi paancho ke paancho apne pita ke per chhukar, maafi maangane lage the. Maafi maangne par bhagvan Shri Krishna or Balram ji se kusti me larkar, unke hathon se uddhaar hone ka vardaan mila tha.

Kusti ke anurup baaje ki aavaaj band hote hi shri Krishna or chaanur aapas me kusti karne lage the. Hatho se haath baandhkar,pero ko adaakar ak dusre ko apni -apni taraf khichane lage the, panjo se panja,matha se matha,ghutne se ghutna, chhaati se chhaati bhiraakar ak dusre par chot karne lage the. Daav- pench karte- karte apne pratiduvandi ko idhar-udhar udhar ghumaate,dur dhakel dete,jor se jakar lete,chipak jaate or uthaakar patak dete the,kabhi chhutkar nikal bhaagte the,kabhi chhorkar, pichhe hat jaate the, is parkar ak dusre ko rokte,ak dusre par chot karte or haraane ki kosis kar rahe the. Kabhi koi niche gir jaata to dusra pero or ghutno se dabaakar,haatho se pakar kar, uppar ki taraf le jaakar, gale me lipat jaane par, dur dhakkaa de deta tha, kabhi-kabhi  jarurat parne par, hath per ikhathaa karke, gaath baandh diya jata tha. Mathura ki kuchh istriyaan dangal dekhane aayi thi, jab un sabne dekha ki chhote- chhote sukomal baalko ke sath bade- bade Pahalvaano ke sath kusti ...

Shri Krishna or Balram ji kuvalayapida haathi ke bare- bare do daaton me_ ak shri krishna ke haath me, dusra balram ji ke hath  me, sastr ki tarah sushobhit ho raha tha. Dono bhaiyon ke sarir rakt or pasine ki bundo se shobha de raha tha, inke pichhe- pichhe gopbaalak chal rahe the. Sabne apne bhaavna ke anurup prabhu ko dekhe the. Pahalvaano ko vajr ke samaan kathor sarir vaale,saadhaaran logo ko nar- ratn,Gopo ko svajan,Naariyon ko murtimaan kaamdev,Mata- Pita ke samaan bade- budhon ko baalak,dust raajaaon ko dand dene vaale shaasak,kans ko apni mrityu,agyaaniyon ko saadharn manusya,aadhyaatmik gyaaniyon ko purn brahm parmaatma,Yogiyon ko yogesvar or param- tatv rup me,or bhakton ko apne istdev ke rup me dikhaai diye the. Sabne apne bhaav ke anusaar kramash_ roudra,bhayaanak,vaatsalya,haasy,adhbhut,vir or prem bhaav ka anubhav kiye the. Shri Krishna ke Gun,sondrya,maadhurya or nirbhayta ne sabko prabhu duvara pichheli ki hui lilaayein, yaad aane lagi thi, sabhi in dono bhaiyon ke...

Shri Ram ji panchvati me jis samay, Sita ji or lakshman ji ke sath samay vyatit kar rahe the, usi samay surpnakha name ki ak rakshsi Shri Ram ji ki trilok mohini sundarta ko dekhar, unke paas jaakar boli ki me aapko pati rup me paana chaahati hun. Shri Ram Ji se, jese hi yah jaankari mili ki ve ak patnivart ke palan me tatpar hein, ataha inke mun me dusri naari ke prati moh nahi he, vese hi vah Sita ji ko khaane ki liye unki taraf bhaagi, Lekin lakshman ji bich me aakar, tikhi dhaar talvaar se uske kaan or naak ko kaat diye the. Surpnakha krodhit hokar, roti_ roti ravan ke paas jaakar, juth bolkar shri ram or lakshman ji ke baare me, khub bharkaati he, iske baad puskar tirth me khinn mun se jaakar, jal me khadi hokar, dus hajaar varsho tak mahadev ji ki aaraadhana ki thi. Shiv ji uski tapsya se prasan hokar, usko vardaan maangne ke liye bole the. Vah boli ki devo ke dev mahadev, aap sab parkar ki manokamna puri karne me asamarth hein, me shri ram ji ko sada ke liye apna banaana chaahat...

Raja Bali ke ak vishal sarir vaala or powerful putr tha, jiska naam mandgati tha, jo shstr dhaariyon me sabse kshresth tha. AK din vah Shri_ rang_ nath ji ke yaatra me shaamil hone ke liye ghar se nikla tha. Yaatra me, vah apne hatho se logo ko giraakar, unko kuchalta ha raha tha. shaktishali hone ke Karan koi bhi virodh nahi kar paya tha. Usi yaatra me trit muni bhi saamil the, ve bhi mandgati ke haath se chot lagne par niche gir gaye the. Girte hi unhone mandgati ko abhisaap dete hua bole ki durbudhi tu haathi ki tarah mad se unmat ho raha hai isiliye haathi ho ja. Mandgati ke duvara kshamaa maangne par, shri krishna bhagvan ke haast kamal(haathi se) se uddhaar hone ka vardaan mila tha.

Mathura ke dakshin me ak shiv ja ka mandir hai, jise rangesvar mahadev mandir bolte hai, jo is nagar ke kshetrpaal rup me upasthit hein or bhakto ki manokamna puri karte hein. Isi me kans ne dangal ka aayogan karvaya tha, bhagvan Shri Krishna or balram ji puchhat_ puchhate yahaan pahuch gaye the. Mandir ko fulon ke gajro,chhoti_ chhoti jhandiyon,chamkile atyant chote_ chote kapde,bandanvaar or anya sajaavat ki chigon se bahut sundar sajaaya gya tha. Shiv jo ko bhi bahut sundar sajaya gya tha. Kans apne mantriyon ke sath chhote chhote rajaaon or bare bare rajaon ke bich me, unche isthaan par, shresth sinhhaasan par betha tha. In Sinhhaashan ko bhi bahut_ bahut sundar sajaaya gya tha. Dangal ke anukul baaje ki aavaaj sunkar, shri krishna or balram ji teyar hokar, mandir ke darvaaje se bhitar ghusne ki kosis karte hai, bich raaste me kuvalayapida name ka haathi khada tha, jiske uppar ak mahavat bethaa hua tha. Bhagvan Shri Krishna Mahavat se bolte hein ki mahavat o mahavat, hum dono ko ra...

Bhagvan Shri Krishna ji ko, bhraman karte- karte raaste me, kuchh vesy dikhaai diye jo prabhu ko apne nikat dekhkar, un sabhi ne paan,ful,fal,itr or dudh se shri krishna or balram ji ka pujan kiye the. Shri Krishna un logo se puchhate hein ki yagya me prayog hone vaale dhanush ka isthaan kahaan hai? Vesyo ko dhanush ke tute jaane ki aasankaa hui isiliye un sabne kahaa ki hume nahi jaante hai, lekin kuchh logo ne murli manohar ke rup,gun or maadhurya se prabhaavit hokar, unhone dhanush, jis yagya mandap me isthaapit, chaturthi ke din, puja karne ke baad isthaapit kiya gya tha, us dhanush rakhe hua isthaan bataa diye the, jo bahut vishal mandir tha. Shri krishna us dhanush ki rakhvaali karne vaalo se bole ki me is dhanush ko uthaanaa chaahataa hun. Nandnandan ki baat sunkar vahaan log huskar, kahane lage ki bare- bare pahalvaan ise uthaane me asamarth hein, yah chhota sa sukumaar baalak ise uthaayegaa, jisko paanch hajaar dehik rup se shaktishaali log milkar hi ak isthaan se dusre isthaa...